黃妍 (Cath) 著緊首張專輯《黃妍說》
落區會粉絲造勢宣傳
《Sony 呈獻: 黃妍說音樂會》 門票 KKTIX 熱賣中
粉絲撲飛成功 為 Cath 打強心針

（2019年8月5日 – 香港）「O.U.R. WORKS」唱作女歌作黃妍 (Cath) 剛剛推出她的首張專輯《黃妍說》，近日忙於新碟、新歌〈寂靜的回聲〉和即將於 10 月 7 日舉行的演唱會宣傳的 Cath ，連日來都抽時間親自落區為自己造勢及觀察銷情。

Cath 首站去到旺角信和唱片店，當她看到自己的唱片海報大大地掛在大堂的牆上時，她的心情很激動，她說：「噚晚我緊張到失眠呀！今日嚟到見到自己幅海報，以前都見過其他歌手嘅海報掛喺牆上，估唔到自己嗰張海報都有機會掛喺度，覺得好神奇！」

Cath 在巡舖期間，遇上不少歌迷，大家都把握機會，拿出專輯給 Cath 簽名留念， Cath 當然立即答應，而對於歌迷的「加碼」要求，包括畫公仔到碟上， Cath 也一一答應，相當親民！ Cath 笑言：「有個粉絲買咗5隻碟，其中一隻要求我畫自己隻狗 Moon Moon 落隻碟度，但係我諗咗好耐都唔知點畫，最後畫咗隻豬出嚟，可能反映咗 Moon Moon 喺我心目中似隻豬啦，哈哈！」

而在簽名期間， Cath 更重遇大學同學，她笑言沒想過對方會變成自己的粉絲，她說：「見番個舊同事真係好開心呀！佢一口氣買咗兩隻碟，一隻係佢自己嘅，另一隻係送俾一個就嚟結婚嘅同學，我特登喺隻碟度寫埋祝福語，希望嗰位同學收到我嘅祝福。」

Cath 後來轉到另一間唱片店，除了宣傳新碟和演唱會之餘，還作現場表演，她更開放讓歌迷點唱，最後她唱出新碟中〈女生才會懂〉、〈寂靜的回聲〉，及徇歌迷要求點唱〈笑容迷路了〉和〈偷時間的人〉，其中〈女生才會懂〉是首次讓粉絲現場聽到的新歌。

其實今次 Cath 除了頻頻曝光宣傳之外，她更出「力」谷新碟，她日前特地親自寫了 2,000 張 message card 放入碟中，將自己的心意直接傳達給粉絲知，她說：「我想俾粉絲知道我嘅心意，所以親自寫啲 message card ，真係張張用心寫，用咗 6 支不同顏色的墨水筆嘅墨水嚟表達我呢份心意，我都好期待粉絲們收到之後會有咩反應。」有粉絲在現場表示，打算要儲齊 6 隻顏色的 message card ，令 Cath 非常感動。

《黃妍說》在香港及台灣兩地同步推出，除了實體碟之外，亦在數碼音樂平台推出，對於自己的歌曲能上榜， Cath 感到非常開心。

Cath 緊張新碟的同時，也很著緊自己即將在 10 月 7 日舉行的《Sony 呈獻 : 黃妍說音樂會》，門票日前已經開售，當 Cath 得知粉絲們都已經成功撲飛，為她打下一支強心針！ Cath 說：「我真係好緊張好緊張，因為今次係我第一個售票個人演唱會，我當然會擔心大家會唔會嚟支持我，聽到啲粉絲話去咗買飛，我個心都定啲。我會努力練習，用自己最好嘅演出去報答佢哋，亦會預備驚喜俾大家，至於個驚喜係咩，就要賣個關子先。」近日 Cath 積極練結他，務求自己可以以最佳演出回饋粉絲。

來自 Cath 的溫馨提示：「我嘅首張個人專輯《黃妍說》已經推出，同時請大家喺 10 月 7 日留時間俾我，嗰晚我會喺九龍灣國際展貿中心 Music Zone 舉行《Sony 呈獻: 黃妍說演唱會》，門票已經喺 www.kktix.com 公開發售，或者大家到KKTIX APP購票都可以㗎！門票分別有 HKD$ 350 門票己張 及套裝 $450 （門票 + 《黃妍說》專輯各乙張）兩種可供選購，全場座位，請大家多多支持，多謝！」

由 Sony 呈獻、Sony Music 主辦、 KKBOX 協辦的《Sony 呈獻 : 黃妍說音樂會》音槳會詳情：
日期：2019年10月7日（星期一 | 重陽節假期）
時間：晚上8時
地點：九龍灣國際展貿中心Music Zone
票價：全場座位- HKD$350 | HKD$450 (套票: 門票 + 《黃妍說》專輯各乙張) 兩種
** 購買套票人仕購票後可於旺角 CD Warehouse 憑票據索取專輯乙張
** 門票即日起於購票平台www.kktix.com 或 KKTIX APP 公開發售